小魚 的个人资料小魚～玻璃樽裝照片日志列表更多  |  工具 帮助 |
|
9月30日 又一個星期la琴晚都係可謂我返學以黎最精彩的一晚，要做兩份功課，....god，最慘係做做下覺得胸口鬱悶，好似有d野壓實係果度咁，好辛苦，好唔舒服，唯有休息一陣，瞓左係梳化度，瞓下瞓下就真係瞓著左，不過始終都唔係d咩舒服的地方，所以到左七點幾就醒左，唔知係咪凍親，一直係度流鼻水，....成個鼻都紅哂la，拿拿淋做完d功課返學lu！又因為要做accounting的功課，所以帶住果本超厚的教科書走圍走，整到隻手真係好痛呀！無陰公....><
有d眼瞓la，我去覺覺豬，如果吾係明天返工就大獲，我諗，可能呢幾日我都要開始做數，要打醒十二分精神。 9月28日 鬧劇的終結呢幾日返工，大部份都係圍繞住阿mi同fanny的鬥爭！到呢個時候我咩都唔想講，只係好想話，夠了，the end未呀！呢場鬧劇都係時候告終la喎！再播落去，都真係有d煩呀！最終佢地都係開左口問我做數，而我都決定左答應佢地，因為我想攞一d經驗，我諗呢d野對我將來做ge野會有幫助ge！而且做下數返工唔駛咁悶，冇左阿mi係度，少左好多歡樂，不過平時都可以約佢出黎食下飲下吹下水ge，不過好快就換哂用電腦黎做數la，到時睇怕我又要搵定工la，hahaha。
唔知點解覺得自己好懶添！好多野未做呀，包書la，acct同math的功課la...嗚嗚！總之就好鬼煩la。
9月26日 呢幾日的小紀錄haha，又覆下朋友先！我真係好驚如果就咁係果度回覆你會睇唔到喎！所以就係呢度覆la
哈哈~
少見我係因為我成日都唔知醒lo，呵呵！或者睇下星期四我知唔知醒la，haha
以下ge係小魚今個sem的timetable
mon：9:30a.m.~5:00p.m.
tue & fri：11:00a.m.~3:30p.m.
thu：9:30a.m.~12:30p.m........3:30p.m.~5:30p.m.
wed sat sun: day off！(六日要返工)
haha，大家有咩事都可以電聯or mail我！！！
不如講下呢幾日做過d咩la，話說前日la，阿mi辭左工，最後同店長鬧到好彊lo，有時真係覺得店長講野好火爆，人地都走la，駛唔駛狂踩人地呀！咁唔like的話，都走la，以後都唔見la，你都仲要講咁多無謂野，話人無義氣，其實你講完呢d咁ge野，你覺得我地以後見到你會點呀la，haha，我都唔知la，我淨係知，今日留一線，他朝好相見呀！不過同ada傾完，阿mi都會返黎做埋果幾日先走ge......做好自己的責任，其他人鐘意講咩廢話就真係佢地ge事la
呢排迷上左一套韓劇，今晚一定要煲哂佢！haha，為左佢，我已經兩三日都係四五點先瞓la，再咁落去我一定會死人！！
好想搵呢一份兼職，大家如果有咩好路數就話我知la，萬分感激！呵呵！
9月24日 睇煙花！-->勁開心^~^今日又收早LA，做左件超開心的事，就係去睇煙花LA，HAHA，真係好鬼好鬼開心，放工就約左阿MI係車站等，但因為無車的關係，我地就直接行去南灣果邊LA(其實都係行左唔夠十五分鐘)，霸左個跳海位，就坐定定等睇煙花LA，我地睇果場係第二場，日本GE，我覺得幾得意架，見到有笑臉同星星，仲好似有其他特別的圖案，以前都好似無見過！HAHA，不過阿MI好似對煙花無咩興趣，但好開心佢陪我去呀！等我唔怕一個人傻更更咁去！HAHA
睇完之後同阿MI去買野飲，仲去左M記食雪糕，又聊左D公司上GE野LA，唉，唔知點解大家都真係做得好唔開心，我就為左魔術而要努力賺錢，阿MI嘛....我都唔知，希望佢可以選擇到自己應該點樣做LA！然後就走左去等巴士LA，無端端有人“炆”我隻手呀！望下，原來係一個有手手殘廢的乞衣，就攞左兩蚊比佢LA，......Ｄ巴士好迫呀！又塞車，搞左好耐先返到屋企...呼，不過坐到最後果陣成架巴士得返自己，都真係幾好玩，聽住MP3，望下風景，正！ 9月22日 喊咪喊lo，駛驚你呀！係呢度覆返人地的留言先！
哈哈~~
我的幸福可能就是像現在這樣，冇鐘意ge人，又冇人鐘意我
可以平平淡淡咁過我的生活！
雖然冇起但起碼冇跌
今日我同阿mi都係公司都喊，我就為左同人地嘈左幾句，阿mi就為左其他好多好多留下黎的問題la，每個人都有佢地自己的問題，有時，人地同我地講佢地唔開心ge事，我都其實好多野都幫唔到佢，唯有安慰佢幾句，但其實有時...人地要ge可能唔係安慰，而係解決的方法！解鈴還須系鈴人，好多問題，只可以自己解決，人地根本就幫你唔到！但我都係果句，有唔開心的事我鐘意喊，有人話眼淚係女人的武器，但我覺得，眼淚只係我緩和情緒的一種方法啫，阿mi都係一個好感性ge人！haha，但我知，有時我地喊，有d人會覺得好煩：喊夠未呀！係又喊唔係又喊！
我只係想話：喊係我的事，我鐘意喊！
真係唔明now點解連喊都有罪！
9月20日 佢太愛你但太不會愛你今日我睇左小孩不笨2，阿mi話呢套野好搞笑，亦好感人，果然冇介紹錯，我一邊睇，睇到第二隻碟，好多位都眼濕濕la，到最後果度就流哂眼淚啦，覺得呢套野真係太正la，值得大家去睇下架。小孩不笨2最主要係講老師同學生，父母同子女之間的代溝問題，雖然自問我唔係一個壞學生，中學時代果陣又真係無同d老師有d咩大問題，但睇左之後，我都覺識好多野，起碼入面用黎教學生果套，其實我地都可以用係下一代的身上，至於父母同子女之間的代溝，真係有好大好大的感觸。入面話無論係大人，細路都需要人地的讚賞，我地越大，唔知點解就會對讚賞越黎越吝嗇，其實都啱架，仲有一句好精景架，多d留意佢ge優點，少d留意佢ge缺點，記得好耐之前參加一個叫“開啟心靈”的班，入面第一堂就要我地寫我地果組入面d人ge優點，其實道理都係一樣，只係希望我地可以多d留意人地身上的優點，忽略佢ge缺點，咁人與人之間的相處，就可以變得更加和諧一d la，父母有時好主觀意識，有時父母認為，我努力做野，都係為左呢個家，為左佢地有更加好的生活啫，但其實你有冇真正了解到，你地的子女需要ge其實叫“關心”。打打鬧鬧解決唔到問題，點解遇到事情的時候唔可以好好咁去了解，分析再同佢地講下道理呢？子女亦都有佢地的責任，你地真係好好咁聽下父母想同你講d咩，就算係我自己，都一定冇，有時只係覺得佢地好煩，成日哦哦哦，哦呢樣哦果樣，但其實換另外一個角度，佢地只係關心我地，天下無唔愛自己子女的父母，有時諗返轉頭la，你估生你出黎，就真係有責任要養你教你？咁你咪好便宜，佢地對我地ge愛係無私ge！咁我地呢？我地又有冇比返相同的愛比我地的父母呢？成日都話大家最緊要就係要“溝通”，但唔係話哦哦哦，or長篇大論就叫溝通！溝通係用心去聆聽對方的需要，明白嗎？
p.s.我想我很需要買返隻“小孩不笨2”，警惕自己！！
9月19日 豬頭哥哥記得琴晚收到個msg，豬頭哥哥sd過黎的，問我出唔出去食宵夜，我諗住係咪無人陪佢呢？而且我又真係有d餓，咁我呢個做妹ge就出去陪下佢la，行左去食粥，一路講下佢朋友d野，賭場d野，都係搞笑，唔悶就係la，但我想話，返到屋企都好晚la，立即去瞓覺覺，到今朝又唔想醒la，好想可以瞓多一陣，一陣都好呀！搞到今日好多堂都冇咩精神上添，haha，覺得自己d英文真係好唔得，要練多d，practise.....嘻嘻！阿mi去左和菓子見工la，希望佢可以成功la，如果佢真係走左，我都可以好安心咁走lu！haha，但前提係要搵左另一份part time先。 9月18日 好憎呢個懦弱的我心情就係咁忽起忽落，真係好懷疑自己係咪有精神病？無端端就會有種好唔想再返呢份工的感覺，繼而就會覺得果個女人講野真係好大聲，好煩，好黑人憎，好想大大咁叫佢：收聲啦你！好煩呀！當然最終我都唔可以咁做la，無奈地我都係選擇用喊黎緩和自己激動的情緒，真係好憎好憎自己咁樣，而我更憎自己一唔開心就想依賴人，好憎好憎，明知不可為而為之，小魚，你好黑人憎呀..................
近排知道有個朋友要做一個大手術，有d擔心佢添！haha，不過我知佢一定會無事ge，之後大家又可以一齊玩la，蒼天老伯伯會保佑好人ge！ 9月17日 十分感謝其實我諗，我真係要多謝你，因為我份人好懶，唔鐘意成日變來變去，但其實人要多d出去闖下先好ge！唔係你，我想辭工的心唔會咁堅決，唔係你，我唔會係打算唔辭工的邊緣立即醒返，唔係你，我唔會發誓以後都唔再做sales！但亦都多謝你，令我明白口臭的確十分極度令人討厭！我唔會同你犯同一個錯誤！
又一日la，講返琴晚小小搞笑野先，話說我琴晚玩玩下電腦玩得好攰，好眼瞓，咪走去瞓la，一瞓係張床度就睡死了，個頭係瞓係d公仔度架，被又冇，咩都冇，瞓到三四點先起身瞓返好d，蓋返張被，haha，真係有咁攰咩？
今日阿mi放假，明天同佢係狼與鷹，haha，希望佢隻牙仔已經唔痛la！
9月16日 節目到呢度又係時候講再見，下星期再見la，byebye個題目，係今日放學同個朋友講ge對白，因為一個星期又過去la，下星期再返學lu！haha，明天一定要記得去睇醫生la，如果唔係又有排都唔好la，放學果陣經過賣買舊書果攤位，比我執到本半好野，何謂好野？係今年要做ge書，因為係舊書，所以平d，唔係捱貴價書，咁又何謂半好野，因為唔平得去邊lo，原價係280，now180，咁我地平時買書有九折，計返都係平左七十幾蚊咋，.......算la，七十幾蚊可以做好多野la！但我仲係好想問，點解冇人放accounting 同 management ge！嗚嗚！
今朝早真係好早起身同阿mi食早餐，見到傳說中的韓國泡菜(人黎架)，仲有另外一個女仔，haha，對佢地印象都還可以，泡菜比較好，哈哈，可能佢都斯斯文文咁la，從阿mi口中得知，佢話我呢個姐姐睇落幾nice喎，haha，第一次咁樣比人讚，有小小怕羞啫！just kidding，haha！之後返到學校超早lo，上網上左超耐，個人真係好累！
今日阿mi牙仔痛呀，見到佢咁真係唔知點好，又幫佢唔架ga，唉！仲有阿翠今日又冇返工la，唔知點解覺得佢好似搏炒咁！唔知點講haha，但如果佢走左，我地就應該更辛苦，因為要返埋佢d更，而且我自己都想走，now都唔知點算，走又唔係，唔走又唔係！ 9月15日 小小病魚唔知係咪朝早會比較涼，所以有小小凍親，今日成日都流鼻水，個人又好似冇咩精神咁，幾辛苦！而且最近又開始敏感，去睇醫生，醫生不在，haha，咁啱架！要早d瞓la，因為明天約左阿mi食早餐呀！
今日返公司就聽到fanny話緊阿翠點點點，聞說係今朝阿翠冇返工，打個電話返黎話佢有事，唔返la，扣佢雙倍人工la，然後fanny就話佢一定係痴線之類la，其實諗返轉頭，fanny都係咁la，識話人又唔識話下自己 9月13日 你想落到幾時呀？？！星期三一向都係我的happy day，唔駛返工又唔駛返學，只需要返魔術就ok，本身今日都好多節目，約左阿mi食早餐，睇醫生，同葉葉食lunch，返魔術，晚上可能同豬仔去食野，點知今朝阿mi話瞓唔知醒，第日先食，又落大雨，瞓到11點左右，打電話去掛號，上陣網講聲早晨，先發現，12點就無得睇la，要等到三點半先有得再睇醫生，唔係啩？？？希望晏小小唔會咁大雨la，我得今日得閒咋，唔通唔上咩！可惡呀！
今日識左個網友，佢個msn名有句野好得意：與你風雨同路的人，可能係因為他沒有傘，你有！
我諗，每個人想搵ge，會係一個，就算大家都無傘，都可以風雨同路的人！ 9月12日 終於ko哂la擔心左成個星期，今日終於搞掂哂所有add drop ge野la，成個人舒服哂，唔知係咪因為放鬆左個人，又可能係自己諗得太多，好多好多以前ge野都好想忘記左佢，從新黎過，將電話入面好多野都洗左，包括近排ge，好耐以前的都有！
今日見返阿偉，佢都冇咩點變呀！仲係咁！haha，唯一唔到左ge，可能係放假前覺得佢煩緊某d野，拿不定主意啩！到今日見返佢，覺得佢好似已經知道自己要ge係咩野，亦到下定左決心咁！登佢開心la，最想就係見到個個朋友仔都開開心心！嘻嘻^^
要乖乖地比心機d讀書同搵另一份新的工作，比一個新的開始自己！ 9月10日 網路上的愛情~~(轉載自my fd 's spaces)網路上的愛情~~(轉載自my fd 's spaces)網路上的愛情 是經由聊天談心 先認識一個未曾謀面的人 由認識一個人的「心」開始 進一步經由電話對談 能確定這個人的「心」 是否如同自己所認識的 再進一步 與對方見面 看見自己愛上那顆心的本人 但如果說 見到對方是 所謂的恐龍和青蛙而感到訝異 甚至不再和對方見面 那麼我真懷疑 感情最重要的 難道不是心 而是一個人的容貌嗎 現實中的愛情 往往是見到對方的長相 讓自己感到心動 進一步地追求對方 而才會想認識對方 再最後才是希望得到對方的心 和網路的愛情進行方式是反過來的 那麼我想問 一個帥哥或美女 是自己的另一伴 你得到的是什麼 一定會是長久的愛情嗎 能一直相愛到老嗎 只不過是 帶得出門 值得炫耀的花瓶罷了 我一直在想 現在的人 真得懂愛情嗎 我看見身邊相同年紀的朋友 不斷地更換新的男女朋友 而分手的原因大多是 個性不合 吵架 變心...等等 愛情難道就如此脆弱嗎 我真得不懂 為什麼可以那麼快地 忘記曾經愛過的人 又馬上開始另一段新的感情 愛情就那麼容易變化嗎 也許我真得不懂 !!!!!!!!!! 心與心的距離， 可以很貼近， 也可以很遙遠， 被愛迷惑時， 不妨靜下心來， 聽聽自己對愛的需求。 愛情裡面，長相、財富都是其次，有心最重要。 細心，可以讓愛情長長久久。 貼心，可以讓愛情甜甜蜜蜜。 用心，可以讓愛情歷久彌新。 交心，可以讓愛情溫暖光亮。 真心，可以讓愛情喜悅充實。 慈悲心，可以讓愛情增加厚度。 要維持戀情的熱度， 必須男女雙方都從關愛的心做出發點， 只要有一方無心， 感情就不易惟繫， 隨時會斷線。 如果在愛情中所獲得的只是無止無休的擔心與傷心， 不如早早對這愛死心，重新尋覓有信心的戀情。 9月6日 繁忙的一天返左兩日學，都總算係幾習慣la，只可惜仲有兩科未add到，個心始終有d野，安寧唔到！搞到好似咩都冇心機甘，連locker都冇去租！哈哈，算la，呢d野遲d先搞，不過好似話j的locker超爆！無可能租到咁話喎！哈哈！never mind，雖然我d堂又真係多數係j ge！
朝頭早同朋友一齊出拱北文華度睇下有冇d教科書的影印版，結果又真係一本都買唔到喎！哈哈，只係好lucky咁見到有本會計的中文版lo，本身諗住買架，但佢地話，如果聽得明，唔駛用中文版la，都啱ge，成日咁依賴法又唔多好ge，所以最終都係冇買，而且經朋友提一提先記得真係原裝先有cd附送，所以都係打算浪費下d金錢去買la....唉唉！反正我諗本書都會用好耐ga la。跟住我就趁機去做facial，因為之前治安唔多好，我都唔敢去la，今日反正都出左去la，死就死la，我見到成日地下商場，都幾多人呀！應該冇咩呀？轉入去果陣，見到廁所附近有個保安添！ 嗯！幾好！入到去一問之下，先知原來係夜晚先危險，日頭唔怕ge，而且佢地自己本身都係咁去ga la！！不過小心d總係好ge，做facial搞左個半鐘，當然我都瞓左一個大覺la，哈哈！好舒服，但一諗到又要返果份工就唔多舒服la，哈哈，而事實上又真係ga wo，唔知點解係果度個個都無事，就係得我一個成日無端端打冷震，超恐怖lo，跟住又比阿媽哦左一輪，話我身體呢度唔好，果度唔好，快d去搵醫生check check！哈！
放工果陣又無端端落大雨，搞到我成日都濕哂，仲要趕去宏達度買書，結果係一本都買唔到ga，哂氣呀！又趕去學魔術，點知個老師以為無人上又走左(其實剛剛走啫，我睇住佢走ge)，跟住又返黎同我一個人上課！哈哈！麻煩哂真係唔好意思！但我一個人上課真係有小小唔自在！hehe
今日好似特別靜？點解我預定會online的人都唔online，嘻嘻，得自己一個人online有d悶，仲難得今日可以咁早online，其實我係咪真係應該抽身離去，哈哈，唔再玩msn or icq？畢竟無論同果d人有幾熟，總有一日都要分開ga la，唔通，真係可以成為朋友咩....但要走，唔知點解，又有小小唔捨得呀！唔通真係識左d人，聊過天，就會有份感情係度？嘻嘻！唔知la，係咪應該話，或者，我真係要習慣一個人的生活！
我諗，今年真係註定一個人去睇煙花！其實一個人都好呀！真係好想睇煙花！唔多！一次都好！
9月5日 三個月la早知係咁！我就早d打呢篇blog la！因為now過左十二點la，9月5日la。9月4日，絕對係一個大日子，本身佢應該仲存在一個意義ge，但果個意義，已經係我個心消失左lu，咁就無謂講la。佢有一個好大路的意義，第一日返學咩！唉呀！呢個係人都知la，最大ge意義更係，原來我同家宏哥哥已經識左三個月la，恭喜恭喜，但我一d都唔覺得耐？反而有一種........下！咁少咋ge感覺！嘻嘻！但當時人已經將呢件事忘記得一乾二淨la，好想ko佢！不過 又真係無咩可能會記得ge，如果唔係我故意睇返icq ge紀錄，我都唔會記得係邊日lu！總之都幾開心la，無慶祝添！唔緊要，等一年ge時候先食餐好ge！！
p.s.我知你諗緊咩：點解你成日掛住食ga？！冇錯，我就係要食到生煎包咁圓！！！ (講笑) 9月1日 magic fish今日放假呀，但就過左幾充實的一日la，朝早返澳大搞埋我上一年留落黎ge禍根，雖然未知得唔得，等電話吧啦！然後去新馬路間郵政局度攞封掛號信，等我仲以為係d咩重要野，原來係...做美聯果陣果d稅......反正一毫子都唔駛交，唔理佢，行左去magic point度交帶聲我今日會黎補堂，買左個m記就返屋企la，全程都係用行ge，咁熱ge天氣，我居然由新馬路行返去黑沙環，其實我係咪傻左呢？？冇估錯應該就係la，食完野，上上下網先醒起我仲未洗制服，我發現洗衣機真係一個偉大的發明，原因係冇理由為左套制服而開機洗兩件野？！而且用手洗會乾淨d，但洗的過程中，我d汗巴巴聲咁流lo，仲要滴返落d衫度，洗果兩件野就好乾淨！但我著住果d就比d汗搞到濕哂同臭哂，嗱嗱淋換過佢，因為個頭超暈，就瞓係度睇電視，又online左一陣，洗個靚涼就返學去la
今日magic堂好開心lo，今日教啤牌，我覺得d堂plan得幾好，第一堂教coin，第二堂教橡筋，第三堂就教啤牌，好似每堂都有一個主題咁，咁樣幾好呀！可以每一堂都專注學一樣野，了解多d。之前去宏達睇下有冇d關於magic的書，睇到某一本入面有個magic好正架，但佢只係講左個秘密，到底點樣先可以完美咁展現出黎呢？佢又冇講喎！！但今日阿sir教左果個魔術，好正！！！好鐘意！我記得阿sir講過，秘密只係magic的靈魂，得個靈魂，冇肉體都係冇用ge，而手法，肢體語言同表達方式就係肉體la，仲之好開心啦！！可以學識到好多好多ge野！！ 意外就係意料之外？？果陣好似應該綠燈要轉紅燈啩！有架私家車停左係度，後面有架電單車急停唔到撞左落架私家車後面，反車，個人就跌左我地架巴士前面！好彩架巴士停得切咋。
我剛剛放工搭車，企係前頭座目到呢一切，真係嚇死我lo，咁大架車係前面你都撞落去，你冇野呀？？前有有部車，旁邊又我地呢架大巴！！你想點呢？係咪真係咁趕，要快果一陣，可能差小小，巴士停唔切，你就死係架巴士下面la，唉！都唔明now d人諗咩架！
p.s.所有小魚識的朋友仔，又有開車的朋友仔，唔該你地開車小心d，我唔想去醫院探你地！！！！！
|
|
|
