呢兩日，居然比老闆屈左三次

琴日屈左兩次，今日屈埋我第三件事

仲要系琴日ge延續

有哂人証証明我打左電話比佢有文件要簽

佢話冇喎！

哈...果陣我除左系個心入面好無奈咁笑之外

難得...我冇駁佢

唔知最近系咪我地比佢鬧得多

無心機同佢講野

佢鬧咩我都唔比反應佢

佢屈我我都唔比反應佢

除左有野交帶我做先：哦！！

睇黎我ge修養又好左...嗯嗯

(雖然系個心度爆哂粗鬧佢)

不過我地都好enjoy佢唔系office ge時間

可以幾個女仔吱吱喳喳咁嘈！哈哈

其實有班好同事真系幾好架，可以一齊玩，一齊講笑

當然唔少得就系一齊講老闆壞話啦！yeah....

仲八到唔少野

知道好多人都唔like我地老闆.....梗系唔止我地呢班小小ge員工啦！！

不過佢個人咁賤，應該都冇咩人會鐘意佢架啦！

早幾日老公仔發燒，估唔到第二日就比佢傳染左

仲要撞啱阿姨夜晚請食飯，唔系咁黑呀！

返公司捱左半日，真系頂唔順先請左下午

d骨痛到呀.......行路坐底企系度都好想死

瞓系度都好辛苦架...系瞓著左就好d...(因為冇咩知覺了！kaka)

不過都要多謝老公仔照顧左我一整日，陪住我

又扶我去睇醫生，如果要我一個人行去，我諗都冇咩可能

而且果陣佢都系剛剛退左燒，仲算系半個病人

真系要錫錫錫錫哂佢呀

好彩夜小小我都漸漸精神返，可以去參加阿姨飯局....哈哈

仲偷食炸野添！yeah...

見到又大左唔少ge皓天仔....依有系咁cool，同痴佢爺爺...哈哈

希望佢快高長大，快d識行識跳啦！