小魚's profile小魚～玻璃樽裝PhotosBlogListsMore  |  Tools Help |
|
August 30 攰到跌渣今日天氣好好呀！風和日麗，其實曬到鬼咁！.........起碼都冇落雨呀，但就發生左一件好好好奇怪的事，返工入到去先發現，舖頭居然水浸，你話離唔離譜，隔離果間食店都有中招，但就淨係廚房lo，出面依舊係咁多黑，我地就黑d啦，出面水浸，初初都唔係好多，d水係牆度滲出黎，但後尾就越黎越快，我地就由用地拖吸水，變用掃把垃圾鏟“不”水，但最後直頭將d水掃出街，廁所就仲恐怖，你去完廁所，沖水，係同一時間，你就會見到旁邊有個去水窿有水湧出黎，咁你自己諗下發生咩事la！！！！打左比民政總署叫佢地check下係咪地下d大渠有問題，又話黎，我走佢都未黎！政府部門效率果然係“快”！而隔離個樹頭婆知道我地打左比民政總署又好驚咁喎！哈哈，唔通做左虧心事！本身搞到兩點左右la，開始唔滲水la，以後可以抖抖！做返d善後工作，點知轉個頭，又黎！！！！仲幾澎湃添..........最抵死就係在咁ge情況下，仲有客走入黎買野！認真好野！！咁兩位經驗豐富的同事就去左sell客la，留低我一個力挽狂瀾.....哈哈！！咁又係ge，粗重工夫留返d後生女做咩！！哈哈，又搞到d手指起水泡甩皮......鬼整！呢間公司真係特別多事！！！
放工果陣阿娟叫我去攞相，上次踩冰d相已經ok la，呵呵，可惜真係一張張的相la，如果唔係就可以放上黎la！嘻嘻 August 26 朋友點解可以咁好！好感動今晚諗返好多野，每次拍拖雖然好sweet sweet，但過程入面都會受左好多傷害，點都有d唔開心，有時佢地hurt到我，有時我hurt到佢地，每一次係我最痛的時候，係朋友撐住我，一直一直咁支撐我，好感動，好多謝你地呀！特別鳴謝：KeVIn哥哥，我識的網友有好多，但你係最特別的一個，因為我地同月同日生，真係好想同你一齊過生日，互相送禮物，諗到都覺得搞笑，我一定會好珍惜你呢個朋友架！哈哈
仲有想多謝seng seng，多謝佢整左一張咁靚的msn頭像比我，真係好開心呀！我upload左上黎，大家可以去睇下架！呵呵 只想愛你早幾日去門市度搵哥哥果陣，聽到一首歌幾好聽，細問之下，係楊丞琳的“只想愛你”，今日down左首歌，又搵埋個歌詞睇下，哈哈，真係幾正喎！大家都不妨down黎聽聽la！
只想愛你
歌手：楊丞琳 | 作曲：彭妮 填詞：小米 | 編曲：呂紹淳 ＊我終於還是說了一句我愛你 還記得那個微涼夜裡天空正飄著小雨 心跳的聲音 像舞動奇蹟 你看著我說千萬不要愛上你
因為你只會讓我傷心別傻了快點喊停 你那麼冷靜 忽遠又忽近 我知道我對你來說也許太年輕
我想我猜我問我終於了解 原來為愛流的眼淚 也是種甜蜜滋味＊ ＃只想愛你 當我和你走在一起就已經決定
不看不聽不問也不會放棄 是你讓我了解自己 可以為愛那麼堅定 只想愛你 好想每天睜開眼睛就能看到你
我知道我偶爾有一點任性 不管你做任何決定 究竟愛我還是逃避＃ Sorry我還是不會放棄愛你
REPEAT＊＃
Sorry我還是不會放棄
Sorry我還是不會放棄 REPEAT＃
只想愛你 好想每天睜開眼睛就能看到你
我知道我偶爾有一點任性 不管你做任何決定 究竟愛我還是逃避 Sorry我還是不會放棄 Sorry我還是不會放棄 Sorry我還是不會放棄愛你 August 24 小魚係咪好傻氣？同輝輝分手的最大好處，就係我一d都冇嬲佢咁濟(曾經有一日見到某一幕發左好大脾氣)，我仲學識左好多野，愛一個人真係要體諒同包容，唔係你唔好，唔係佢唔好，而係如果有左呢兩樣野，大家一齊真係會好辛苦，會唔開心，會成日鬧交， now反而覺得輝輝同我分手做得好啱，免得要佢活受罪， 同佢一齊果陣佢真係對我好好，曾經佢有好多承諾，話會永遠同我一齊，唔會放棄我，無論點都好，我都信果一刻佢係真心ge，我希望可以用呢段時間黎好好改變自己，為佢也好，為將來另一半也好，為身邊人也好，我只想佢地每個人都開開心心！其實now都唔多敢搵佢，一來佢好忙，都冇咩時間可以理我，佢仲有好多野要做要學，二來就算我sd msg比佢，我又怕佢女朋友見到會唔開心！心情真係好複雜！.....希望今次佢搵到一個愛佢，識體諒佢ge 人la
珍惜身邊擁有，企係人地的立場去睇同一件事，會得到唔同的效果，咁先可以做到體諒同包容 August 22 對唔住，但我好似仲有D掛住你同一個拍拖果陣，一定會講好多SWEET SWEET的東東，今晚我都睇返好多以前我同佢GE野，好甜，我相信你果陣係認真架，當一個人鐘意你，係真心鐘意你，當佢唔鐘意你果陣，都係真心唔鐘意你，唔知我會繼續咁等你，定係忘記左你，愛上另一個人，唔知點解，我真係有D掛住你，哈哈，對唔住呀！搞到你咁煩。
愛一個人要體諒同包容，學習中的小魚，好想好想認認真真咁去愛一個人！ August 20 踩冰，狠狠咁踩果種！！！！今日真係超開心呀，同羅記，景帝，肥良，嘉儀同佢表弟，仲要阿娟，同佢bf去踩冰冰，勁開心lo，一黎就同阿娟黎個擁抱先la，勁奈無見la，成年都有lo，見到佢同bf咁開心，恩愛，都登佢開心呀！個冰場超凍呀！又唔知點解冇人提我帶多件衫ge？？哈哈，剛好有三個人識踩，有三個人唔識，就一人一件la，我就好命有魔鬼景帝教，點解，因為佢周不時都過黎拖我出去溜！哈哈，佢成日都叫我唔好痴住d場！跌左好多次呀，多數向後仆，有一次向前仆呀，勁痛，d冰地太硬la，兩個膝頭瘀哂！哈哈，不過今日踩冰我都學識一樣野，因為佢地唔係時時睇住我，好多時我望返轉頭，吾見哂佢地，我真係明白，情人，朋友，任何一個人la，都冇可能時時刻刻係自己的身邊，就算得返自己一個人，要繼續勇敢行落去，定係原地踏步，其實都係由你自己去決定！我成日都痴牆，因為我怕跌，又怕跌左會唔識起身，因為好滑！佢地教我點樣起身，後尾有幾次跌左，我都自己起返身，原來，最可怕ge就係“害怕”，因為害怕孤單，所以想有人陪，因為怕失去，所以唔敢擁有！一個人生到底有幾多年，你now唔去做，下一刻可能就真係無機會la！
希望所有的朋友仔都可以好好珍惜自己所擁有的東東！勇敢去挑戰未來！ August 17 觸動心弦我諗，每個人應該遇過呢種情況，可能係你好唔開心，你會聽到一首好sad的歌，而歌詞，正好好似講緊你ge心聲咁！可能聽果陣，你好似搵到個知音人咁，你會喊，你會釋放你ge悲傷，但記得，你仲要生活落去，要勇敢企返起身
Hurt So Bad (電影歌"擁抱每一刻花火")
填詞：張敬軒 | 編曲：Ronald Fu
哭了 才發現自己真的受傷了 你曾對我說你永遠是我的 為了愛情我把自己的幸福都忘了 你快樂 我就快樂 ＊也許 是我們彼此都太年輕了
總是特別容易沉溺在愛情裡 每當我再次看到身邊美麗的花火 你已離開我 我還是想對你說 baby I love u so much
你走了我的心在淌血 baby u hurt me so bad 想要你回到我的世界 baby I love u so much
你給我的諾言已經瓦解 baby u hurt me so bad 只要我們都愛著 無論多苦都值得 說好的 你怎麼忘記了＊ REPEAT＊ August 15 小魚，強戰回歸放假有咩好做呢？本身打算瞓晏d，因為之前都瞓得好少，有d累，不過都幾早就醒左，然後無無聊聊又半日，返去上魔術堂，差d趕唔切，已經遲左出門la，佢仲要塞車，激到我死la！上完堂又係下面同d店員玩左一陣，d店員有時講野真係好鬼好笑架！笑到死下死下！夜晚就約左肥航同丁丁去食飯，個感覺都唔錯，一路係咁吹水，同肥航講野真係好，唔正經得黎可以不停咁玩！正野！食完野就去觀光塔睇 superman returns，我覺得幾好睇，但全場加埋就十個人都冇，超超超搞笑，唔知係咪人唔好呢，覺得個場好凍呀！而且出到去連巴士都冇la！！要打的返屋企，又同肥航佢地去卡啦ok度玩下！同佢地玩大話骰，哈哈，有被耍的感覺，飲左兩杯，又幫肥航頂左小小，好彩我冇咁易醉！如果唔係都唔知邊個送我返屋企，不過丁丁就危險d la，成塊面紅哂，嚇得我！但佢地都好有義氣咁送左我返屋企！
哈哈，近排真係睇左好多戲呀！不過好多都冇結局ge！點解好多野都唔可以有一個完美的結局.......... August 14 死亡筆記今日係阿輝的生日，我係呢度要祝佢生日快樂，最好事業有成添la，我覺得佢一定得架！
咁基本上呢，我地都係好似朋友咁周圍行下，去睇左死亡筆記，我承認呢套野都幾好睇，漫畫應該仲會更加好睇添，但個main point係，夜神月先生，我覺得佢好奸，後尾佢已經唔係為所謂ge正義而去用死亡筆記，而係點樣令人地識穿唔到佢lo，我好驚遇到d咁不擇手段的人，因為好恐怖！
and then去左m記食野，表演左d魔術比佢睇，好無奈架，成日都係佢面前失手，無奈ing！我一定要練好d la，成日衰比佢睇！哈哈
跟住都係遊下車河咁lo，整左d糯米糍比佢食！
總之做返朋友la，都好怪自己做咩有一刻要咁執著呀，因為感情又好，友情又好，兩個人ge相識一定有佢地本身的緣份在lo，諗通下都好ge，偏執於一樣野大家都好辛苦，做朋友咪幾好，玩下笑下不知幾enjoy！直頭正la！友誼萬歲！ August 12 有d累添琴晚上網到三點，諗住瞓，瞓黎瞓去都瞓唔到，諗返好多野，我開始有d驚，因為我好驚諗返以前ge野，關左燈，都係瞓唔到，隔左冇耐哥哥就返黎lu，佢陪我聊天，開解左我一陣la，我冇事！我知道同我一齊ge人，都好辛苦！點解我係一個比唔到快樂人地ge人呢？哈哈！！雖然有d唔開心，但幾唔開心都要撐落去，因為我唔想比人地見到我唔開心，要學識照顧自己，所以有咩事都要撐落去，知冇？小魚，要乖乖地la
瞓唔著，有班朋友仔陪住都好d，同丁丁去左食早餐，然後去打機，好耐無去打機lu，生疏哂，哈哈，但都幾好玩ge，now先發現原來玩頭d係會減到肥架！點解？因為我地兩個都玩得成身汗，哈哈，太刺激啩！！ 分左手la！我同輝輝分左手la，原因係我唔好，總之所有錯都係我錯，本身我好想挽回，但諗返轉頭，佢真係好辛苦，要做野，又要受我d脾氣，做人唔好咁自私，愛唔係擁有，只係一種發自內心ge野！我要放手，希望佢搵到一個可以體諒到佢ge好女仔！
輝輝，如果你睇到呢篇野，我好希望你一定要比心機學好呢門手藝，幾辛苦都唔好放棄，選擇左就要堅持！好冇！無論點，我都會支持你架！答應你ge野我會做，仲有，我其實冇你想像中咁弱，我識照顧自己，你都要照顧好自己！朋友黎架！有咩事可以搵下我，永遠撐你la August 11 放假........都幾無聊架喎今日又係放假日，晨早起身就見到一個勁sweet的短訊，哈哈，可能呢排心情都真係好多時都唔好！有時都想勸自己，睇開d啦你，佢都識講：你返工果陣，你陪唔到我，唔通我發你脾氣咩！.......咁又係ge，做人真係要將心比心，吾可以咁自私，now佢做呢份工，係一份廿四小時on call的工作，我又可以點呢，有時間陪到我，係我好彩，冇時間，係絕對再正常不過的事情，算啦，我係一個鬥雞病患者，唯一的解決方法就係：睇開d la！
而我選擇左係呢個無人陪我的時候去捐血，幾好呀，不過今日好似特別多狀況發生咁，個針口位有瘀算la，搞到個護士姐姐超驚，又攞冰，又攞去瘀膏比我，加上我d血又流得慢左d，佢話好驚我流唔到350cc喎，哈哈，唔駛咁驚ge，無事無事，哈哈，最後佢想比我走，但個針口又不停冒d血出黎，搞到我就好無聊就瞓係度睇新聞la！跟住就同左葉葉去買野，買咩，秘密！遲d先講！
哈哈
August 07 葉葉，我錫哂你下！好明顯我就唔係一個好ge女朋友仔la，輝輝今日好忙呀，都唔多得閒理我，哈哈，而我就係佢最需要我的支持都鼓勵的時候，發佢脾四，對唔住！但多得葉葉陪我聊天，點醒左我咋！有緣相遇，結為情侶(唔係夫婦呀！)，應該好好地咁珍惜對方架，唔應該成日都諗住自己，要多d為對方著想，其實有時都係架，佢咁忙，難得打黎都係想氹下我開心啫，如果次次打黎我都搞到佢唔開心，咁佢以為仲點會百忙中抽空打黎搵下我呢！而且，一個男仔對自己的事業著緊有上進心先好架嘛，我最鐘意佢d咩，咪就係佢ge上進心lo，佢肯為我努力lo，係呢個時候，我係咪更應該用心咁支持佢呢！
老公仔，我會支持你架！你一定要加油呀！奸爸爹！
August 06 如果我越黎越肥我記得曾經有人講過：我想試下抱起你！！！點解我加咁多個感歎號係呢句野後面，因為，識小魚的人都知道，一個較正常的人，都應該無法抱得起小魚架！記得今晚我問你MIND唔MIND我肥肥，你話MIND架，但身子要緊，超搞笑，咁啱剛剛係QOOS度見到呢兩張好MEANINGFUL的圖片，比你睇下！
  August 05 加勒比小魚 決戰 魔輝王真係唔知點解呢，每次輝輝返到黎，我都梗要發下佢脾氣，唔知係因為唔憤氣佢要我掛住佢咁耐，定因為佢返黎果陣又唔會對我特別熱情咁喎，所以會任性下，亂發脾氣，發完有時又會好後悔，正衰豬黎架！今晚我又自己一個人出走，打算去南灣果度吹下風，坐車坐到中途輝輝就打黎，同佢去睇戲，睇我篇blog ge名就知我睇邊套la，哈哈哈哈，超多人去睇lo，好誇張呀！我地都遲左買飛la，坐旁邊咋，不過都好呀！其實有個咁好ge男朋友，我都應該心足la，佢拍我凍凍，成程都攬住我，護住我lo！知唔知有時點解咁鐘意發你脾氣？就係因為你唔攬我，唔錫我，睇到呢個理由係咪好想笑呢？乖下，唔好激，鍚返錫返！
仲有要記一記ge就係我今日第一日返魔術下，果度d哥哥(可能係哥哥la，都可能係dd)，見我早左去，好似好無聊咁，都表演左d魔術比我睇下架，成日問我同果個傑少係咪好熟，ok熟lo，傑少交帶落唔好話比人地知我地識ge，我都廢事講，第一日上堂都學左d理論性ge野，要學洗牌，仲有兩個都幾得意ge魔術，哈哈，要多d練習先得lu！
August 04 滿月滿月呢個字，好似通常用係bb身上，出世滿一個月，廣宴賓客，為佢慶祝！咁一段感情呢？今日係我同大牛龜的相識滿月紀念日，哈哈，本身係打算今晚叫佢上icq ge！但係佢人不在澳門啦，所以都冇法子，唯有靠d sweet sweet短訊黎氹下對方啦！哈哈哈哈！
to 大牛龜先生：雖然冇人可以知道將來的事，但我好希望，我ge將來，一直有你陪伴！
August 03 等待，只因渴求今日居然掛三號風球，天氣好差，我的心情仲差，本身以為你來來去去呢個動作應該好快結束，唔知個天係要同你作對，同你師父作對，定係同我作對la，今日我問你知唔知你來來去去呢個動作已經持續左幾多日，你話我知，十一日！還好你都記得，我已經唔記得la，只記得好辛苦好辛苦，今晚你打比我，本身我聽到果個屬於你ge鈴聲我好開心ga，以為你返左黎，你一句：我返左黎la，等陣又要返去！...心情立即down哂，同你講野口氣都唔多好，但收線之後，唔開心之餘，又好想喊，又唔可以喊，眼淚照樣好唔聽話甘滴出黎，我知道你都好辛苦，成日要走來走去，仲要受我d脾氣，有時你打黎都想氹下我，聽到我果d語氣！我知你仲受氣！但我真係控制唔到我自己，我唔識體諒你，我唔係一個好女友，我都知，我想改，但係真係好難，呢個情況到底仲要持續多幾耐，你成日話開心的日子好快到，等氹完自己，再氹，又氹，我就快說服唔到自己la，唔開心果陣，我真係好想你係澳門，可以陪下我，但偏偏你唔係度，有咩事煩都講唔到比你知，只可以谷係自己個心到！好累呀！真係好累！你叫我陪你一齊等待，我會等，一定會，但我想話，我真係好唔開心，因為我好矛盾，我知我唔開心，你都唔開心，係我叫你要努力學野......明知唔應該唔開心，但又控制唔到，我已經好小心翼翼唔好send d短訊去令你心痛唔開心，但如果我仍然做左的話，對唔住，真係好對唔住！
等待，只因渴求，好希望你可以快d唔駛再走黎走去！ |
|
|
