小魚's profile小魚～玻璃樽裝PhotosBlogListsMore  |  Tools Help |
|
July 12 流感黎遲左 剛剛砌完系日本買回來的模型--->趙雲bb戰士 d人話我砌得慢...算系咁啦...第一次砌咋 幾好玩...唔知學上色好唔好呢？ 但都系唔好搞呢個住... 今日心情吾好...因為冇人理我... 嗚嗚...仲細咩...成日要人理 朋友..男朋友..個個都好忙or有d野做 有時覺得我唔搵佢地..佢地都唔會搵我... 加上個人病...心情就更加唔好 但系..... 都最後都系選擇砌模型發洩....... 睇黎我真系會越黎越宅...唔系講緊笑！ July 10 日本之旅~相片分享 呢張系飛住日本機上拍的天空....好靚呀.. 唔系我拍得靚...而系在飛機上看雲朵系一件賞心悅目的事....  燈燈燈鄧.....日本八日所住的民宿...南洲... 女主人持田媽媽是台灣人，老公是日本人... 可以用普通話同佢溝通...太好了.... 事關去到日本我就變左聾啞人士...haha...  我地所住的房間...完全講出左咩叫麻雀雖小..五臟俱全 液晶電視...風筒...雪櫃...有室外同室內兩個地方比我地曬衫 樓下仲有得上網添...只系...慢左小小... 因為我同v先生早book房...所以兩個人霸左一層... 因為果層得我地一間房，然後我地就霸左成個廁所 鐘意幾時沖涼就沖...爽呀！  南洲系包早餐的...每朝持田媽媽都會準備三個小菜..一d菜..小小餸..水果比我地做早餐 白飯系任裝，茶系任飲...真系好好食架 而且每一日食得最飽真系呢餐...我地九點幾食...可以撐到下午二點幾先肚餓.. 每日水果小菜都會不同...但日本d水果真系好甜.....   日本通街都系呢d自動售賣機..賣ge野種類都好多ga 有飲品啦...煙啦...杯麵(連熱水比你沖ge)...呔...相機(即用即棄式)...電芯 等等 其中飲品當然系最多啦...行幾步就有一部...唔駛怕口渴！  呢條街系南洲附近...叫天神橋...系一條商業街 入面有野食，有野買，有野玩...好正下架... 第一次見識到日本成年人最hit ge玩意...鋼珠機店... 哈哈...不過實在太嘈...冇興趣入去...只系見到人山人海..仲有好多鋼珠..haha 天神橋都有好多藥妝店...超啱女士們逛一逛...雖然感覺上心齋橋會平d.. 但幸運的話可以執到平野架...(小魚好明顯就系其中一位幸運兒啦！！) 小魚仲系天神橋做左兩件好特別的事... 第一件系..天神橋有間賣sushi...日本食物ge舖頭 每晚八點就會進行呢個閉店前半價出售...所有野半價..... 所以v先生就同我一齊同d師奶搶野.....哈哈 又唔算搶ge...最少冇打交！  以上就系半價買返黎ge sushi la....雖然計返都唔系好平...四十幾五十蚊吧.. 但日本人ge生活水平應該幾高ge...佢地做份兼職都系講緊時薪港幣七十幾蚊 所以大家去的時候要預多d錢...食飯...交通費等等...    天神橋仲有一件事好得意... 就系如果你可以由天神橋的一丁目(or七丁目) ge指定商店去到另一邊 七丁目(or一丁目)ge指定商店 佢地就會頒獎狀比你..哈哈.. 第一張就起點比你的form...咁就會印個印系度 之後去到另一邊指定店又再印多個印...咁就得左... 張獎狀系咪好型呢....最上ge系自己ge親筆簽名...超型呀^^ 其實成個路程系可以出貓...坐地下鐵or的士... 不過咁就冇左意義啦系咪...大家要有d體育精神呀 全長都不過系區區的2.6km....差不多系一個半松山之嘛 又唔系叫你跑..呵呵呵呵.....   v 先生話：我一定要試下日本ge m記....(未去前已經講定) 而佢食完之後都話日本d m記好味d... 我就覺得ok...薯條會多d lo...同埋..佢真系情願你等...佢d野系真系熱辣辣的...呵呵 而且有蝦堡食...哈哈..我的至愛...都唔知點解澳門賣左一排就唔賣...衰人黎架 日本食一個m記套餐大概系差不多600幾700 円..大概系四十幾五十幾蚊港幣... 之前有聽某d 阿sir講...最貴的m記系歐洲...咁我唔知幾貴啦 但系...我都有一個宏願...希望可以食到各個地方的m記...haha... 分享到呢度先...其他遲d再upload |
|
|
