小魚's profile小魚～玻璃樽裝PhotosBlogListsMore  |  Tools Help |
|
June 30 簡單直接不會更好嗎？我一直搞不清楚，點解車行話系搞延遲
但系要等咁耐先可以重考
冇錯...系因為呢個系重考，而唔系延遲
到底系因為驚我接受唔到真相
定系發咩神經呢？
剛剛上網睇到d條例
應該系寫住........唔接受以任何理由來缺席駕駛考試ge任一項
咁其實......做咩要我又去搞張醫生紙呢？
法例上，fail同缺席其實都系一樣架？
但對車行黎講，可能會唔一樣啩
因為fail再重考，佢地會收貴d
人渣
果日同佢地講咁多野都系浪費時間....
你講咁多黎都系9up，你不如同我講：系呀，你同fail果d系一樣架，一樣排咁耐隊，不會我地收你少d錢咁lo
吸錢ge人渣
一個月返去問考期
但願網上快d有得睇
唔駛我要返去問果班人渣........................... June 25 好事多磨下一年，即系2009年1月5~17會系考試日
偏偏呢，我重考車車會系果段時間都未定
考個車啫，都要咁一波三折，真系&^)_)%$#%^)(_(^$#%)&(&(%^
剛剛ge星期日....系老公仔ge生日
我同佢去左香港度過
今次冇去特別ge地方玩，所以不外乎系
shopping shopping加shopping
由大約中午一點行到夜晚九點左右啦
有好多戰利品架，包括系袋啦，衫啦，零食，手信！呵呵
最搞笑系我同老公仔食街頭ge章魚丸
好似日本一d車仔檔咁架，
系人地舖頭對出小小位食野....師父系我地面前整章魚丸
後面系人來人往ge旺角大街，仲要加埋有班日本人系我地後面食野添
真系好型架，哈哈
June 22 意外咪就系意料之外lo唔知有冇朋友仔關心我考唔考到車車呢？
呵呵，有ge話我要同你地講聲唔好意思
因為
我果朝突然唔見左學車紙，so..........算系唔成功啦
因為唔可以參加考試
嗯.............
意外果然就系意料之外
之前果日我都系考車場度練習，張紙都仲系度
果日考，果日就唔見，我應該講咩好呢？
anyway.....等我啦，我一定會成功的
win win sure win June 19 兩個月ge假期終終於於考完試，大三......再見，byebye.....莎唷啦啦
好似仲要考車車
不過依家識多左...覺得開車系一件開心ge事
成日都問小棟子：我系咪好型！哈哈
就黎有人生日....都唔知送咩好
皓天仔都就黎生日啦，咁快就兩歲了
等佢再大多幾年，我真系要講返句：想唔認老都唔得啦！
好開心呀，等多幾日就去香港啦！
我想血拼，哈哈哈哈.....
香港ge野唔系應該貴過澳門的嗎？
何解d衫平澳門咁多ge！！！
June 09 龜趴火今天真系not so lucky
諗住得閒去學車學返兩個鐘....順便又可以上下斜路
點知d人真系多到呢............唉，唔知講咩好
無得上斜路....暴曬，唯一ge好處應該系.........打八字可以周圍望了
唉，有時我都覺得自己好大頭蝦...
平時去果陣師傅都會攞簿仔比我簽名
但今日個師博冇攞比我
我又唔記得左要簽名果回事喎，他媽的，
到最後比另一個師傅叫我返去簽名都算
仲要系度鬧我潤我
都唔知邊隻耳聽到我話簽左名
食屎啦你...咩都唔教我仲咁大聲系度講野
返到屋企阿媽見我神色唔對.......
講左件事比佢聽
仲要比佢再潤多次
依家ge我，真系當屋企人系我最重要ge資產
雖然我為呢個家做ge野唔多.....但我覺得即使做咩都冇咩用
反正....系佢地心中....我就系咩架啦，都咩都無用
我都懶得去講d咩
做仔女ge........冇可能話郁d就駁父母嘴
對啦，基督教入面有句野系啱的
愛是恆久忍耐，又有恩慈
註：1.有點抱怨父母啦......不過老哥看到不喜勿插....你要知道我地屋企有個人造衞星....可以將你發出比一個人ge訊息轉發比全個家族知...有時系幾勞氣的！
2.標題系福建話........大家睇唔明就算！
June 05 I am so blind but still alive記得痞子蔡ge“檞寄生”入面....
荃講過因為佢自己有心臟方面ge問題
佢ge動作比正常人緩慢....但呼吸卻比正常人激烈
但正因為如此....每一次佢深深地呼吸的時候
都感到：我還活著
之前打左篇文，好多人留言....(謎之聲：有五個咁多呀)
大家都好關心我
老公仔話：真系諗返你大一果陣都覺得你好可憐
但我又唔覺得系咁樣ge一回事
當時，我都算開心ge....冇伴...但非常自由....而且我愛上澳大果個神秘ge地方
佢陪左我一年，陪我食餅乾，食杯麵
冇伴冇朋友，但我仍然活過來....今年我已經系大三lu
明年就畢業啦....yeah......我要離開澳大呢個鬼地方...哈哈
明天要努力練車，到底我可唔可以成功地打出一個好靚地斜路八字呢
明天仲要考spss添.............望到d數字有想吐ge感覺
後天要考finance了......雖然有一大堆tips...都未開始溫
要加油呀，過左6月20號就海闊天空...
香港....你等我呀！
June 04 感激啦2005年9月
剛剛同當時ge男朋友分左手
講好要兩個人一齊升上澳大....
但我地冇“一齊”升上澳大，分別地升上左澳大
就系咁....同第一任ge男朋友分左手
一個人孤伶伶係澳大度生存
每一日自己坐系長椅度食餅乾..食杯麵
成績差到無倫..........
每一日係澳大度飄浮...
呢個傷口...用左半年黎醫.......算快啦
2006年9月
神奇地認識左依家ge男朋友
雖然我依舊的懶..........
但人總算踏實左好多............
起碼...有人陪我食麥記
2007年9月
成績依舊ge唔好...男朋友總算仲系果個
開識正式上hrm ge課..........
見黎見去都系一d hrm人，sm人
我依然系果個唔出聲....坐系課室最後....
同其他人隔絕ge人
但至少...........叫做有一兩個伴一齊上課...做報告
2008年6月
有成年幾ge時間都系有伴的
我忘記左自己剛剛入黎澳大果種“獨立”
回味左一下，其實有想像中的難
只系近一年已經習慣左依賴人ge生活
羨慕哥哥....亦羨慕好多人
有很多很多關心自己ge朋友
病有人問候，缺席有人幫你攞筆記..講返d tips比你聽
可以同朋友一齊去畢業旅行...
本來我都有plan的........但依家......唔去了..
連去旅行要比人孤立的話..............去黎做咩
最後...想同老公仔講返d野
“入黎澳大.最幸運系識到你，最唔幸運都系識到你.....因為你，我冇得再識靚仔了，你對我又時好時唔好......你睇我幾唔lucky
但因有你，我唔系一個人躲一二角食餅........有人幫我溫習
雖然我好唔乖，你幫我溫習我會系度搗亂........
但我真系心存感激的，起碼都會偶然關心下我點
可能慢慢....我又要變返大一ge我...........但起碼都有你系度陪我食麥記
以後靠哂你了，記得對我好d...............” |
|
|
