小魚 的个人资料小魚～玻璃樽裝照片日志列表更多  |  工具 帮助 |
|
2月3日 一大班朋友陪我慶生今日好開心呀....首先系因為可以瞓到自然醒...
咁凍ge天氣可以系個被窩入面轆黎轆去真系好正
呢排返工返得好唔開心...但今日唔駛返工..yeah
系屋企懶散到五點幾先同老公仔去行街街
八點鐘準時去pizza hut搵葉葉佢地
因為佢地話今日同我補祝生日
哈哈...上到去見到佢地坐系張超長ge枱度
嘩....仲見到羅記添...
我為得葉葉同eddie...最多加埋葉ge男友啦
後尾小冰同佢男友都黎左...仲有丁丁
大家真系好耐冇見啦...
叫左好多野食呀...人多真系好...
可以叫好多野食...大家一齊分...
最可惜就系老公唔黎拉....佢都有約
嗯嗯...不過我地間中搞下gap都好開心...
eddie居然索侍應ge油呀...仲兩次添
真系唔啱啦..哈哈哈哈....(我地成班人起哄呀)
葉葉佢地系都要攞條腸仔插系個pizza度扮蠟燭...
仲要我起願添...嘩....好尷尬ge感覺...(仲要比人拍片為証)
oh no...不過都幾搞笑ge...(要吹熄條腸仔蠟燭好難架)
但我最估唔到就系...佢地居然準備埋個蛋糕...嘩
講真...今年我都未切過蛋糕咋...哈哈...
pizza hut果邊仲幫我地影左張相...印埋出黎送比我..
跟住我地個個都系咭上面簽名...大家都寫左d野祝福我
哈哈...真系好開心呀...(雖然後尾主角變左隔離枱的小妹妹...不過佢真系好可愛架)
系呢度我再一次多謝咁多位朋友仔
(排名不分先後)
葉葉&徐仔..小冰&輝騰..eddie..羅記..丁丁
好想黎但黎唔到ge娟娟
今早先同我講生日快樂ge肥航
仲有angel姐..聰仔..業..
當然唔少得每日都陪住我ge老公仔~小棟子...
好多謝咁多位同我過左一個難忘ge生日...
真系好開心呀...開心ge回憶的確系我最好ge生日禮物
thank you very much
Doumo arigatou gozaimashita
真系好多謝你地呀....愛屎你們哦
2月1日 131系小魚ge生日我們林氏一族同我同輩ge... 小時候有六個系最fd的..即最常見面... 我地ge生日都系一d好特別ge日子 即系個號碼系好容記... 131系屬於我ge號碼 今朝比老公仔morning call完 起身諗住去買戲飛(長江七號) 但見到大會堂超多人lo.... 諗住觀光塔會好d...仲衰...9:30d飛已經sold off 玩野咁話呀？...所以最後都轉返睇魔街理髮師 哈哈...仲撞到葉葉同徐仔添(好開心系撞到佢地兩個) 之後去珠記e下肚仔 跟住行街街啦...買左勁多衫 老公仔就少d啦...不過佢買果件褸我覺得好正 哈哈...我同佢一齊揀架... 好期待快d新年見到佢件衫衫 玩到冇野好玩我地去八佰伴shopping... 哈哈...走左入去熊貓樂園反.... timecrysis------>射擊game...好明顯我眼界就好差啦 捽碟機------>好明顯我都冇咩音樂細胞 打鱷魚------>好明顯佢有幾隻系壞架...打極都冇反應 拋銀仔------>好明顯壽星唔系當旺 玩左一輪之後就去食晚餐.....和花亭 正正...叫左十一碟野...本身諗住應該唔系幾夠 食完先再叫... 點知........食得太多三文魚啦....好濟呀 下次再去我一定會叫特別d ge野黎食 食飽飽行左一陣書局...and then就睇戲啦... 嗯....套戲就...不過不失啦...劇情都幾好..嗯嗯 下面有一d我upload ge壽司相...yeah..(開始肚餓中)
呢張系幾位壽司ge合照
呢個飯叫唔知乜野海鮮飯.....有好多種魚生同魚子....(大粒ge魚子系好難食的)
呢兩位系我之前冇食過ge壽司：海膽魷魚同山葵墨魚
呢個唔系講都知系乜啦...老公仔話食落有燒炮仗ge感覺
三文魚魚子飯....(咁多三文魚..唔濟就假啦)
天婦羅盛合...(有炸-蝦..炸南瓜..炸茄子..炸三文魚同埋炸蕃薯)
|
|
|
