小魚 的个人资料小魚～玻璃樽裝照片日志列表更多  |  工具 帮助 |
|
12月31日 好多第一次今日同v先生去左香港一天遊
估唔到呢一日...經歷左唔少第一次
我第一次搭船遇到機器故障
諗住幾分鐘就可以整好...點知....
叫我地落船坐第二架...唉
之後佢地送返d水呀，餅比我地當賠罪><
其實今日都好趕時間下
遲到左，睇戲只好睇下一場啦！
第一次去太古，第一次系香港睇戲呢！
第一次真系睇戲食爆谷飲汽水...唔錯！哈哈
香港睇戲前好得意架！佢地會播十五分鐘ge廣告及預告片...
等到人都顛...
神探伽利略...好好睇呢...
東野圭吾...你好勁勁...咁都比你作到...
假設答案必然存在，到底系設一條無法識破ge問題比較難..
定系解答一條無法識破ge問題比較難呢？
奇怪，望住石神系監獄度望住天花板ge點都仲系諗緊四色問題
其實佢ge世界真系好細..好孤單
“其實我系冇朋友架”
當湯川嗚咽地講：可惜，你天才般ge頭腦居然要用系呢種地方
石神回佢：呢個世界上只有湯川你先會咁講！
兩個天才，唔同ge際遇...唔同ge結局
可唔可以嘆一句：同人唔同命哦！
我發現湯川其實真系對物理以外ge野都好鈍....
幸好內海最好回答左佢心入面ge疑問：石神系為花崗而活架
嗯，系花崗同佢囡囡可愛ge笑容中獲救ge石神...
為佢地ge幸福可以不釋一切....完全無條件的愛
睇完成套野....我只有一個疑點
頂，你班小數ge香港友...有冇文化，笑笑笑，笑你條命呀！
到底你地系冇文化...冇同情心...定冇深度？？
破壞哂d氣氛...........shit
p.s....買左超多野...破大財...yeah....最後一個第一次系...見到郭政鴻同胡定欣系旺角拍野...
睇郭生個look....似系古靈精探入面個李小龍！唔通有續集？？ 12月21日 twilight冇令我失望twilight真系好好睇架呢！
點會有書好睇成咁架！
雖然jane austen系我的最愛
不過比你做住我第二愛先啦
電影版的男主角真靚仔...
一出場成個戲院暴動了
或者就如V先生所講
“佢全家(CULLEN FAMILY) 都咁靚仔”
嗯！難道VAMPIRE 的毒液有美容的效果？！
好...顛完了
努力看書...JANE AUSTEN還有一本半就OK完所有佢的作品
之於TWILIGHT嘛！系一條好長的路！哈哈！
中文版都未出完咋！不過....
可能後幾本我先睇英文版了！
無計啦！耐性一向都唔多好的我！
電影版希望可以拍哂佢...哈哈！
感覺上冇咩可能呢！ 12月17日 當部腦.......廢到無朋友！可能今日系學校用電腦
先發現學校的電腦好正
一D都唔疾的
ICTO...我愛你呀！
相反....我最愛的仔仔....
四個月...就變成一部廢機...
真系好X無奈....
玩唔到PET SOCIETY...I MEAN....好疾LO
我要洗左個vista
12月16日 共同興趣終於搞掂所有project.....爽哂
不過仲要交份reflection paper比阿kong
有idea想點做....不過好複雜先做到
等我徵詢下他人的意見先
終於發現情侶之有共同興趣真系好重要架！
好似某V先生
之前我瘋狂熱愛神探伽利略...
但系V先生會完全唔濕我
同佢講話我要睇電影版..佢又唔記得
同佢講好多關於入面GE野...佢都系“哦，哦，哦”
但因為我講得太多，佢開始上網DOWN套野黎睇
依家....佢仲顛過我，又買書，又成日嘈話要去HK睇佢套電影
哈哈...令我強烈明白.....
下次我同佢講某話題前，我要令佢對果個話題有強烈興趣先
如果唔系我D口水就白流了！ 12月15日 半年又過去左？！今日下午三點半才會present埋呢個SEM最後一個presentation
剛剛又派返呢個SEM最後一份MID-TERM...
雖然成績系今段所有MID-TERM最差的一科
不過都預左架啦！
媽媽話：一分耕耘先有一分收穫！
自己做過D咩心知肚明啦！！
有時覺得...古人留落黎GE思想未必系所謂的OUT
有時真系好有道理....歷久常新！
其實咁都幾好...証明我唔知系生理上大個左...思想上都大個左
(雖然偶然會短路出現不尋常行徑！)
12月14日 亂糟糟的一切尋日系悲喜交集GE一日...一個字：亂
亂到...連呢篇野我都唔知用咩標題好
夜晚出左去同中學的朋友聚會...好開心
大家一齊玩一齊笑...暫時忙卻左好多煩惱
希望快D攞到D相....可以放出黎曬命！哈哈
其實曬咩，熱鬧從來唔屬於我
今日問阿哥，我好似好任性！有小姐脾氣，改極改唔到
哥哥話我近兩年好似食錯藥，性格好左好多架啦！
我諗，只有屋企人會咁諗，
因為好耐之前...我發覺...只有屋企人最關心我，體諒我
所以我將屋企人放系第一位，系我的重心
我在此謹對所有受過我氣的組員致歉
有好多野我唔敢當面講
但我好想問：點解，你地成日都當我透明
只要我唔想出聲，我心情不佳，你地都一定當我系空氣..
自顧自聊你地GE天，自顧自聊報告
當然唔系話我唔出聲，你地就要唔傾報告，就哂我？
大佬，你地都唔好真系當我唔存在
咁你地傾得啦！點解要我出黎傾報告？？
平時你地一聚埋一齊，就兩個自己聊天，理到唔理下我！
知唔知坐系你地身邊GE我有咩感受？
唔去畢旅，唔系因為錢，時間....
系因為...我唔想連去旅行都要比你地當我透明，忽視我！
只要我唔主動同你地講野，融入你地...
你地就將我摒除在外..........
一直...我好珍惜你地...因為你地系我在澳大交情較深的朋友
但..........我呢？對你地黎講，我又系咩垃圾呢？
12月5日 Role Play Presentation可以用中文presentation系一件好幸福的事...
其實中學已經知道，只系中學only試過一次presentation
記得果次個成果好令人滿意
大學之後就好驚present...
因為每次都系用英文...
但今次居然可以用中文，仲玩role play...覺得好開心
最最最開心輕鬆的present莫過於此
快樂ge時光過得特別快...
等待我ge...應該只剩下痛苦！
今日見到有個女仔好啱我新構思ge小說ge女主角ge image
可惜我同佢唔熟，如果唔系寫起上黎應該會易d
不過一切一切，都系等待呢個sem完左再講
一個sem都未過完，我已經開始擔心下一個sem了....點算？！
12月2日 恢復中早幾日發左一個燒...
呢幾日身體漸漸恢復
一個又一個報告迎面而來
幾累幾唔舒服都要撐下去...
快D好返，我會舒服好多..
人真系要適時釋放負能量
唔系真系好容易爆炸
好似今日咁...過左好黑的一日
PRESENT先發時課室插電腦的線壞壞地
傾PROJECT有人幾日催幾時完幾時走得
BR SIR突然提早TAKE ATTENDANCE...(落堂又要搵佢take 返)
幸而我有自己一套自我調節系統！
釋放完，舒服哂！ |
|
|
