其實今日都冇咩特別事發生ge

最唔好就系已經連續三日食完野就屙...今日...屙左都四次

因為食完晚飯好似屙左三次la..之前又有一次

唉.......ok la，其實我覺得除左肚痛唔多舒服之外都冇咩大問題ge

反正我又唔介意ge，系咪？

不過老公仔好似好擔心我咁...但講真，換轉身份，我一定超擔心

唔緊要啩，好快會無事的！

發現自己好鐘意講d野黎嚇下老公仔

傻ge....咁難得先可以搵到一個咁錫我ge人，我會好好珍惜

會好好照顧自己，因為五年後有件好重要的事等住我做架嘛！haha

 

講返點解今日個title又關“堅持”事先！

話說我今日去左拱北買書書，咁我抄左個isbn code

諗住叫佢地check下有冇應該會快d

點解我前後兩個counter都check唔到本書

佢地話冇

但我見部腦都冇顯示話系冇，只系無反應啫

可能又有小小唔憤氣啩，咪自己去搵下lo

首先睇下d分類先la，然後慢慢搵

哈哈，居然真系比我搵到，勁開心la

上左好寶貴的一堂呀！

有時候，過分的堅持可能會變左固執

有時候，過於執著於某d事可能會對件事更加冇幫助

但可以堅持自己所堅持的，其實需要好大的勇氣

好似今日咁，如果最終我都搵唔到

可能就會比人笑：都check左話冇la，仲搵，系咪憨居

但冇左呢份憨居，又邊得黎我手頭上呢本書呢？

何況我開始發現，呢個世界有個人，好鐘意我呢份傻氣，呢份憨居

哈哈哈哈

 

不經不覺，就咁過左一個月la，今日系我同老公仔一個月紀念日lu

今日諗返起同老公仔第一次單獨出街做左d咩

haha，爆笑ing

同老公仔識左三個月，但好似發生左好多好多的事

諗返起就只系識得系度傻笑^^~

發表下得獎感言先：小棟，多謝呢三個月黎你對我咁好，一直系我身邊陪我笑陪我顛

多謝你的水水，多謝你的糖糖，多謝你日日都陪我煲電話粥

雖然你話我系果少數會關心你的人ge其中一個

但我想話，呢段日子，總系你操心我的健康，我的學業比較多

唔知點講，真系好好好多謝你，嘻嘻

之後更加要多謝身為老公仔之後的你！

呢一個月睇住你對我越黎越好，越黎越緊我咁！

雖然我好小器，成日都嬲你，但你總系一次又一次咁氹返我

又教識我潘氏洗碗大法，仲有呢個“小棟子教你點摺衫la﹗”

當然仲有唔少得你對我ge孩子氣萬般容忍

我ge豬豬講話方法，睇怕都系得你一個先容忍到

我行路成日都跌親，正如系感情的路上，一直跌倒，一個人起身，覺得好痛好痛

好彩依家有你系我身邊扶住我，同我一齊行！

好想咁樣永遠同你一齊走落去....

hehe，錫哂你呀！^3^

唔知今日系咪有史以黎同老公仔對得最耐的一日

由五點鐘接我放工玩到夜晚一點幾.........都幾激，haha

放工後去左老公仔屋企la

之後我地就去食野la！去返鮮果撈果度食......

但好無奈lo，佢居然話假日所以冇哂d餐

好呃錢......雖然都唔系貴好多！但......條氣唔順添！haha

飲完佢d珍珠奶茶呀！嘩，真系好掛住西門町果d呀！

超好飲呀！><

之後同老公仔行左去大三巴，諗住捧曾生場ga ma

一去到見到有班著住白色長袍的人

望埋去就望到曾生la，你都咪話唔突出，haha

我地仲三個人影左張相相....雖然我冇左半張面面

ok la，都應該見得人ge

系果度仲撞到表妹添！...haha，大家d態度真系有d冷

無聊ing，以前唔系咁架

and then我地又去左一間教室睇左一陣la

撞到上次比我地“隊”wing果位哥哥！haha

本身都冇咩地方行架la，老公仔打算送我走

但突然又諗起可以去逛一逛漁人碼頭呀！

我地就一齊坐巴士去la

本身我以為應該好少人下？？點知勁多 人

今晚去過幾個地方，真系呢度最好feel

有隊band系度唱歌，d人系度跟住唱la，玩la，跳舞

有個著黑色衫ge人跳d舞先yeah......haha

尤其系唱“sha lala”果陣呀，果樣氣氛特別唔同架

雖然我唔會唱歌跳舞，不過果刻都比佢感染左果種好動的氣氛

成個人都好想動超來呀！

之後就同老公仔行返去新馬路la，其間有講有笑好開心呀！^^

然後去到新馬路截的士返屋企

佢行果條路，真系嚇親我，哈哈，不過都冇事平安返到屋企

 

最奇怪就系返到屋企見到阿哥居然準備瞓覺！

>口<........有咩理由佢仲早過我返屋企先得架

不過講真呀！佢同阿嫂拍左咁多年，佢自己都話一定會淡左架la

唔同仲日日都咁親熱咩.....

又或者換個角度la，佢成日都去左陪阿嫂成晚都唔返架la

所以對佢地黎講，日日都系holiday....冇所謂la

仲好，唔駛出去同人迫下話！hehe

haha，系呢度同咁多位講返句：聖誕快樂呀！

希望大家無論同情人，屋企人，朋友都好la

一定要開開心心咁過呢個聖誕呀！

 

其實今日都冇咩事好記ge

主要就系見左老公仔ge爸爸媽媽

haha，真系唔知應該開心定無奈

又唔系話唔想見喎，總之就尷尷尬尬咁lo

不過都好la，一次過見哂兩個，唔駛分幾次la

haha，唔知幾時到老公仔見我屋企人呢？

睇怕都有d難度，但願佢唔會比我爸爸嚇親...(真系呀，我系佢個女先冇比佢嚇親咋)

因為爸爸真系幾cool，哈哈！coolman...帥！

 

今日提前收到老公仔的聖誕禮物

手鏈黎架，好靚靚架！

而且唔知點解，同我新買的耳環好襯！ha

好開心，點解老公仔會知我想要手鏈ge(真心話黎架，但一直都物色唔到心水啫)

hehe，好野！依家唔駛我自己去物色la

因為時間的關係，我都準備好老公仔的聖誕禮物la

但唔知佢鐘意唔鐘意呢？

kaka，但我唔會開估講買左咩ge

賣下瓜子先la！

話咁快又到冬至啦，呼.........好似真系凍左好多

話就話系冬至la，但都冇得食團圓飯

因為全公司得店長有屋企人...其他人都冇架！

唉！呢d咪叫做自私lo

有時我都吾想話佢，好心佢自己比返小小自知之名la

一日都好呀！中秋呀，冬至呀，除夕呀，終止好多好多節目佢都要霸左佢la，沒救了

 

今日老公仔黎接我放工，仲話佢媽媽已經知道我地ge事

haha，唔通真系巨蟹的個性

拍左拖的老公仔已經越黎越猖狂(某d野la)

依家仲猖狂......成日叫我去飲湯呀！食飯呀！

唉呀！好緊張添！希望可以留個好印象比佢屋企人la

救命呀！><好驚呀

 

本身打算今日上魔術班添，點知個導師又病na

都唔知佢真定假架....成日病ge

肥肥地唔似咁弱不禁風喎！haha

anyway，唔緊要la

如果老公仔真系打算出去食的話，咁我都唔駛幫佢準備野

咁到時我真系可以上完課先去join佢地都冇問題！haha

 

今日發生左d事，搞到自己諗野諗多左

我都知自己唔啱架la

但我真系覺得好挫敗架！唔通我真系唔可以搵到一個真心愛我的人咩

好想好想喊

人比人或者比死人

但唔知點解，總覺得老公仔對佢xgf好好好好

唔系話對我唔好！我知道老公仔對我都系超好

算la，唔諗la，越諗只會越唔開心！

快d到26號la......boxing day..可以拆禮物

of course唔系為呢樣野la......kaka

 

p.s再一次用返msn，只系為左方便某一d朋友仔睇我的blog，同埋留言！我咁為你地，你地要留多d言呀！如果唔系就浪費我的心機la！^^~