話說今日終於返去enroll la

其實過程都算順利架la...

起碼六科有四科我都系add返自己的意願course

唯獨msor因為大一唔生性，搞到依家enroll果陣enroll唔到

去搵ba office幫手就要遭人白眼(鬼叫你retake)

ok la，呢個都唔系大問題，因為佢唔會比我冇書讀ge！應該

最嚴重都算系b-law選中個killer

冇計la，開得三班，有兩班都系killer教...冇得爭架ma

心情真系好低落，但咁又點呢？...

埋怨左成日，咁我都知埋怨都冇用！呻下啫，咁唔系我又可以點呢？

發現我同qoos某位發表意見ge人兄一樣...一樣咁廢

我發個帖問下人地個killer上課的情況點呀，有咩要注意咁呀！

佢只系答我：take左佢九死人生！(再廢d la)

正如我今日發哂癲，唔開心左成日...咁又如何呢？唔駛讀麼？

埋怨如果可以攞a...我now gpa一定有4...kaka

所以...努力d la...用心讀書la

佢要求高，咁你對自己要求咪高d lo....人地可以pass 到，你都一定得ge

其他科又要努力d，攞高d分，咁就算到時呢科攞個d...咁gpa都唔會拉到太低

不過都好感謝有d同學仔比左d好好的advice...

例如佢present會狂問問題！對d 功課要求好高呀！

咁now有心理準備，到時就可以做好d la...(應該得ge)

小魚，你得ga....無論如何都唔可以再衰！！

對唔住呀老公仔，我知老婆仔好唔乖，成日都想激嬲你

其實我唔系真心想搞到你唔開心架！

果晚我喊左好多好多次，唔知你知唔知

果晚我講大話，話我做左d對唔住你ge事

本身我以為你會立即同我分手架，我冇諗過你會立即改口風

“第一次我就原諒你la，但你要答應我唔可以有下一次”

你知唔知果陣我已經好想嘩一聲喊出黎

邊有人咁架，......傻架你

唔值得架，我唔值得你對我咁好ga，老公仔

明明果晚系我激到你鬼死咁嬲，點解事後我喊果陣你又要即刻氹返我

如果咁都証明唔到你鐘意我....算吧啦！我諗我真系一個唔值得比人愛ge人

 

老公仔，我知我做左好多傷害你ge事

對唔住呀！我唔知我可以做d咩黎彌補你.......

唔通就系，以後都唔同你講電話，因為講電話成日都搞到你唔開心

唉................

 

我都真系好想嫁比你，因為我自己真系好愛好愛你

同埋我都知我一定要好好珍惜你，如果唔系我就真系枉為人la

你求婚求咁多次.....(衰到連戒指都慳返)

我諗我都要作d回應ge

 

我請在座各位見証，我林雅瑜，願嫁你潘國棟為我合法丈夫

 

咁多位會去我blog blog睇野ge人就留一留言！為我呢句說話作見証人！等我老公仔相信我呢份認真！唔該咁多位！

講返琴日先，本身打算溫下習ge，點知最後我都系瞓左覺覺豬

唉！無奈ing.......

之後可能因為坐系度瞓la，都瞓得唔好ge，瞓下醒下！

但都好彩咁樣，我先知醒！kaka

and then又要返工la，唉！好討厭呀！

本身打算快快手做埋d野睇下可唔可以溫一陣間書ge

點知成朝都好多人入黎買野，搞完一單又一單

連我ge早餐都變埋午餐la

最後連d數都冇時間做咁濟，又放學lu

就系咁.....一個朝頭早又玩完la

 

之後去左老公仔屋企溫書la，有收獲架

起碼我將上年冇溫ge野溫返，因為我知實出果舊咁ge野！

不過都唔系溫左好多，只系溫得兩課咋.....

老公仔見我冇食野，幫我煮左個公仔麵！kaka

好開心呀，不過因為之後老公仔睇我以前新聞台的關系

傾開計，我都諗返我果陣“界”手ge事....

唉，其實只能怪自己la，無聊，幼稚唔識諗

就算人地唔珍惜你，你都要珍惜自己架嘛！真系呀！

 

之後又如常咁ge考試la，我覺得今次份野都難左

希望會pass la，有小小驚添！

考完試又同老公仔去食飯飯，不過我好大懵lo

發現自己部手機漏左系老公仔屋企...><

食完飯又要返去佢屋企攞！...嗚嗚！

之後又要麻煩老公仔送我去巴士站la

 

不過尋晚我真系留意到一樣野

其實都唔系第一次架la

就系我發現老公仔好似識瞬間轉移咁呀！

我次次上左巴士之後望一望佢....如果佢唔系仲要等巴士的話

佢一定已經消失左...仲要望黎望去都望唔到佢行左去邊

.......好邪......真系好邪門...................

 

如是者返屋企睇左陣電視...逃-prison break(唔知有冇打錯)

我覺得幾好睇，不過有小小情節都幾變態....好彩咩都睇唔到

睇完就入房溫下書，食下野咁la，溫溫下我又瞓著左...

好彩老公仔打電話比我，咁啱叫醒埋我

之後就一直好精神咁撐到五點.....又頂唔順，又瞓

結果無驚無險剛剛比我ko埋呢科la，唉！以後都唔想再見到佢呀

不過其實佢出份卷都唔難ge，根本已經預左有呢d題目

但溫左又系唔多記得，唯有吹吹吹....好彩我中文都ok 吹得！keke

希望會pass la....(真系科科都只系望pass)

 

一陣間又要強戰marketing......講真，好無奈

話就話今次考試有二十分我就pass....但系marketing我真系冇講過書

佢比d範圍又好模糊，野又多，無可能溫哂ge

望就望佢d mc唔好搞咁多野.......唔好倒扣la

如果唔系真系死比佢睇la

 

p.s. 又開始唔系好想返工la，覺得好辛苦，點解人考試我考試，我考試仲要返工！點解人地考完試可以relax...我考完試又要立即彈返去返工！辛苦自己知，唔會有人明，更加唔會有人理解，或者有人會同情，但我想要ge唔系同情，唔系勸告，都唔系教訓，我想要GE系果種同阿MI一齊共事的時候建立出黎GE默契，明白對方，了解對方，無論咩情況都撐對方，好多時只系一句：我明白！   就勝過千語萬句，只系可惜，依家已經無可能LA，只能夠不停安慰自己...錢錢錢錢錢，用要搵錢要儲錢黎麻醉自己，唉！我幾時變得咁鐘意錢架？......從來都冇，錢好重要，因為我都知冇左錢唔得，所以我先唔可以唔做PART TIME...但係如果下下都要我用錢黎麻醉我自己，我諗.......我自己會變得好臭，唔系魚腥，系銅臭！

今晚ge我真系好無奈

我覺得個天，冥冥中系度搞搞震

好想搞返老公仔前gf ge網誌，點搵都搵唔到

無奈ing，只好睇返老公仔打ge blog blog

除左心痛，還是心痛

咁你點解仲要睇呀！傻妹......

人都有過去！你有佢有，何必執著

有時都覺得自己幾自私

老公仔同d女仔玩下msn，sd下短訊，打電話，我都會好mind下

但又唔系高頻率ge....相反，難道我就冇做呢d野咩？

我反而仲多個阿聰，會成日sd mail比佢，老公仔都好似冇禁止我

我之前都拍過n咁多次拖！老公仔都冇舊事重提！

老公仔甚少提我以前d野

而我呢，又要提，又要睇，又要呢樣，又要果樣

然後自己系度喊.....又賴老公仔唔啱

要佢氹返我........

我記得老公仔話：呷醋發脾氣系女仔的專利

其實我好想同你講：系靚女同可愛的女仔ge專利

唔包括我呢類史前生物，又肥又醜的人

ok？？

所以要多謝老公仔你一直一直對我的包容

你曾經答應過我改，其實你唔駛改

要改ge人系我，一直一直都系我

你話我比從前應該有進步，其實一d都冇

所以我會努力去學習點去進步！好唔好？

收番你之前所說的話吧，等有一天我真的值得你為我付出再付出吧

我冇發晦氣....只系覺得一個咁ge我，唔值得你為我做咁多

真系一d都唔值得

 

2007年1月7日，一個應該溫習的晚上，我卻用黎打混，發呆，明明好飽卻又不停迫自己食野的零晨.....

放縱一下吧....因為不久之後又要開始溫習了！想哭ing><"

今日終於完成左final exam的第一炮

kaka，我覺得好easy下！起碼十五條mc，我只有一條唔多sure la

因為我用左10個鐘黎溫兩課書，系真系睇哂架！

不過我只系溫左mid-term之後d野

之前又冇溫喎！咁啱佢又唔出啫！kaka

雖然都唔會高分得去邊，不過已經好開心

因為入大學以來，我都未試過做一份卷做得咁有信心

阿哥都話我好勤力呀，仲話：愛情的魔力

kaka....都系架！因為有老公仔日哦夜哦，都唔好意思唔溫習

所以考完試要請老公仔食大餐.......

 

考完試急急忙忙又去上魔術班la，都遲左成半個鐘

咁我唔知佢等我定前一班上到咁遲la

我去到先啱啱好上課喎！搞笑

都學左幾多野架

之後就散步咁返屋企la.....

一日又咁過去la

五年.......系咪又咁快就過去呢？.......25歲呢我，會系點ge呢

仲系咁孩子氣，長唔大嗎？kaka

 

要繼續努力呀！仲差六科就ok 架la....一定要捱過去呀！>..<"

講下呢兩日做過d咩先

尋日返工簡直就系充實之最la

因為之前放假放左兩日，返去n咁多數要ko.....

結果都我走果陣都做唔哂..........><

不過店長都話做唔哂就留返d唔好做住

因為有個主任話其實我返七點咪得lo，駛唔駛一時又返五點，一時又返六點咁早

(咪以為佢咁好心，只系唔想我返咁多鐘數，公司要比多d人工啫)

所以店長話等佢知道我好鬼忙，好多野做咁話喎！

果然....多女人的地方就系多是非.........(p.s.我系女仔....kaka)

 

之後放工就去搵老公仔la...然後就同佢一齊出去影貼紙相

今次都我經驗唔夠la，因為多數我都系拱北影ge

無所謂，老公仔“超”有經驗ge...(..語氣強調中....)

影都唔系一個大問題，影完先搞得最耐

又要諗排位la，寫d咩字上去la....諗到頭都爆爆

結果就搞左成兩個鐘la....haha

ok la，我對某d相都幾滿意ge...(下次用普通la，冇咁光)

之後老公仔送我去坐車車lu...

 

夜晚的時候同老公仔聊左好多野

又知多左老公仔一d野la....

雖然佢講ge某d事例，我到依家都未..

又唔系唔信，只系覺得好impossible下....

雖然我塊面都幾漲下，但又未至於面皮可以厚到果種程度..

(針對果種情況，並冇侮辱任何人的成份架^^~)

不過我更加知道自己一直以來對於錢呢方面ge想法系無錯ge

雖然我唔系好識理財

起碼自己可以做到自給自足，都好開心架la...

 

講完尋日就要講下今日la，其實今日都冇咩事發生ge

只系瞓醒去買左個m記，然後去老公仔屋企溫書

不過我邊有咁乖~~~haha

所以都擾攘左好耐先正正經經

但我之後好乖咁正經左兩個鐘la....

雖然效率唔系太高，只系睇得小小

不過都ok la，因為其實呢科最主要都係實踐！

你睇埋咁多理論只系可以避免實踐的時候出現ge小許錯誤

kaka，所以睇唔哂咪算lo，就系咁簡單！

不過講系咁講ge....都系要盡下力ge....

執到幾到就幾多la

 

聽日就系今個exam的第一戰la....

希望可以順順利利，無驚無險la...kaka